jan Kekan San @gregdan3@toki.social
mi pini e ante toki pi ilo Common Voice lon ilo Pontoon!
kin la, jan li pana e sitelen 5000 tawa ilo ni la, toki uta li open lon ona! toki pona li kama suli a!
toki a!
ilo Pontoon li kama pona a! ona li pini >80%. pini la ilo Common Voice li kama tawa toki pona!
https://pontoon.mozilla.org/tok/
wile la o pona e ante toki ni! sina jo e sijelo ilo pi kulupu Mozilla la sina ken ni.
sina sona ala e ilo Common Voice la, o lukin: https://commonvoice.mozilla.org/en
ona li ken pona e toki pona!
🥳 🎉 🎊 kulupu lawa ISO li pana e nimi lili TOK tawa toki pona la, mi pali e sitelen tawa ni:
https://www.youtube.com/watch?v=uPmxjZnhJ1s
mi ante toki e kalama musi pona!
mi kalama awen e ona. taso, mi jo ala e ma pona tawa kalama awen, a a a
taso, o lukin e ante toki mi:
https://github.com/gregdan3/toki-pona-lit/blob/main/homeward-bound/homeward-bound.md
mi wile sona e ni:
mi toki e len noka la, mi toki e seme tawa sina?
mi toki e len noka anpa, e len noka sewi la, nimi ni li pona tawa sina anu seme? sina sona e seme tan toki mi?
jan ale o, sina lukin e sitelen tawa Encanto anu seme? mi lukin e ni lon tenpo suno pini.
lukin ala la, o lukin e ona tan ni:
- kalama musi tan ni li pona a, li lon nasin mute mute!
- jan ale pi sitelen Encanto li kule lukin mute mute, li tawa musi pona kin
- kulupu Disney li pali e tawa sin pi sitelen tawa, li kepeken ni lon sitelen Encanto
- toki pi sitelen Encanto li pona kin. sina ken sona e nasin e pini pi toki ona, a a a. taso, ona li awen pona!
wile la, o lukin!
mi wile sona e ni tan ni:
tenpo pini lili la mi ante toki e kulupu nimi "ip address". ni la mi kepeken nimi 'linluwi'. nimi "ip address" li "ma linluwi" lon toki mi.
jan ale o, sina kepeken ala kepeken nimi 'linluwi'?
kepeken la, o pana e ijo kepeken nimi ni
kepeken ala la, o pana e nasin sina tawa ni
Pages 5 to 13 of Toki Pona Dictionary (Notes on lipu pu) are now licensed under a Creative Commons Attribution 4.0 International License.
mi toki insa e ni lon tenpo lili pini:
mi wile alasa lon ilo Google kepeken kalama taso.
taso, ilo Google Assistant li ike mute tawa ni. sina toki e kalama nasa, e nimi pi toki ante la, ilo Google li ken ala sona e toki sina.
nasin seme la mi ken alasa e nimi "ngarf" lon ilo Google kepeken kalama mi taso?
jan ale, o musi e musi Omori! musi Omori li pona mute.
ona li jo e nasin utala sama musi Earthbound, li jo e nasin lukin sama musi Earthbound kin. taso, nasin lukin lon utala, lon tenpo suli li sitelen luka!
lipu pi musi Omori li monsuta lili. taso, lipu ni li suli tawa jan ale.
musi Omori li musi nanpa wan tawa mi.
suno ni li suno sin mi! jan pona mi li pana e pilin pona tawa mi, li pona e mi tan ni. lon tenpo pimeja ni la, kulupu pi jan pona mi en mi li tawa tomo moku pona!
@janSonja kama pona a! mi pilin pona tan kama sina :)
jan ale li jo ala jo e lipu ken pi ilo toki wawa (ham radio license)? nasin nimi mi li "KO4JYV".
jan ale o, kalama pi tomo tawa li seme? tawa mi la, kalama pi tomo tawa li mu. taso, jan pona mi li toki e ni: kalama pi tomo tawa li kalama suli, li mu ala.
@janLentan mi lukin e lipu sina la mi sona e ni: sina kepeken ilo Vim! mi kin. taso, sina kepeken ilo Vim anu ilo Neovim?
pona a! jan Sonja li pali e nasin linluwi pi kulupu ni lon lipu linluwi http://www.tokipona.org/
mi toki ante e kalama musi "Homeward Bound".
mi lukin e sitelen tawa "wile" tan jan astrodonunt la, mi wile toki ante li wile kalama musi e musi "Homeward Bound".
sina sona ala e musi "wile" la, o lukin! ona li pona mute:
https://www.youtube.com/watch?v=TRTKqhyvxNw
jan ale o, toki! mi wile pali e toki pona mi. tan ni la, mi kama!
