jan Tupula @tupula@toki.social

tenpo suno pini ni li pona tawa mi. mi pali ala. mi toki tawa jan pona mi. mi moku e pan suwi. mi lukin e sitelen tawa pona. mi kama sona e nimi Inli sin.

mi kama sona lukin e ni: tenpo mute la ale li ken pona

pali mi li kama lili. taso, lon tenpo pi suli pali, la ona li weka e tenpo mute tan mi.

pali o awen lili lon tenpo kama. ni li lon la mi ken kama jo sin e tenpo weka mi.

pimeja ni la mi seli e kasi nasa. mi sona lon ijo nanpa suli

mi pali suli lon tenpo suli. pali ni li pakala e lawa mi.

pali ni li kama lili. taso mi moku e jaki tan moku. jaki ni li pakala e sijelo mi.

jaki ni li weka. taso seme li kama lon tenpo kama li wile pakala e seme mi?

pali mi li kama suli. mute tenpo la mi ken ala toki lon toki pona. taso mi ken kin sona lon toki pona. a

tenpo suli la mi musi e musi Wisatuli (jan pi utala monsuta, nanpa tu wan). ona la sina jan Kela pi ma Wewija. sina utala e monsuta kepeken palisa moli pi kiwen walo.

musi li pona lukin, li pona musi. taso, ona li suli mute. sina wile musi la sina o musi taso e ijo lon nasin sina. o alasa ala e ijo ale. mute ona li suli ike, tawa mi.

tenpo ni la mi wile toki mute lon toki pona. ona li kama mute tawa uta mi, li lon toki insa mi. mi sona e toki pona lon tenpo suli la wile ni li lon tenpo ni taso.

jan o ken wile ala pali

wile la mi telo e sijelo mi lon telo seli.

taso mi kama jan pali. tan ni la tenpo telo mi li kama poka e tenpo telo pi jan ante lon tomo mi. jan ante li olin kepeken e telo seli ale.

lon la mi telo e sijelo mi lon telo lete a. o lape ike, jan ante o!

mi wile toki tawa jan pona lon toki pona. taso jan pona mi li wile ala kama sona e toki pona.

mi sona e ni: jan pi toki pona li lon, li ken jan pona sin tawa mi. taso mi wile alasa e kulupu lili pi toki pona. kulupu sama mpptp li suli mute. en la mute suli jan li ike tawa mi.

mi lape. mi pali. ken la mi moku e kasi nasa. tenpo musi li lili. taso mi pilin ala ike. mi pilin meso.

pali sin mi li tu e tenpo mi. mi wile lili e tenpo pali. taso jan pali lawa li wile suli e ona.

mi seli e pan suwi pimeja. o lukin! mi wile a moku e ona. taso ona o kama lete! mi o awen... taso...... ken la mi ken moku lili a............

sijelo mi li toki e ni: mi wile lape... o pana e lape... sina o pali lon tenpo kama, la sina o lape pona............

lawa mi li toki e ni: a a a mi lukin e sitelen meli a :) ni li pona tawa mi :)

tenpo suli pini la mi toki ala lon ilo Masoton. tan li ni: mi kama jan pali! tenpo kama la mi kama jo e mani, la mi ken pona e lon mi. mi pini kama sona pali la mi toki sin lon ilo Masoton. o awen pona, jan pona ale o!

waso Mateja li toki e ni tawa mi: sina open kepeken nimi ANPA la musi li ken pana la sina ken ala pini lon pana tu wan. nasin ike la sina wile kepeken e nimi luka tu pi lukin _A_A. nimi ni li jo:

e nimi KALA
e nimi KAMA
e nimi MAMA
e nimi SAMA
e nimi LAWA
e nimi TAWA
e nimi WAWA.

sina ken ala pini lon nanpa pini tan ni. o pona tawa waso Mateja!

waso Mateja li toki e ni kin: nimi NENA en nimi OPEN en nimi PANA li sama nimi ANPA tawa nasin ike.

pona a 😉

musi nimi 12 2/6

⬛⬛🟨🟩
🟩🟩🟩🟩

https://tilde.town/~dustin/wordle-toki/

musi Wordle li jo e nasin ike. nasin ike la pana sina li kepeken e sona tan musi. (nimi lili laso en nimi lili jelo li sona.)

mi alasa sona e nasin ike pi musi nimi. mi kama sona e ni: nanpa pini pi nasin ike li tu tu!

mi jo e ike sona tawa sina. o lukin insa e ni: mi pali e musi nimi nanpa tu. ona li musi nimi lon nasin ike. taso musi li pana e nimi open tawa sina. sina ken alasa e nimi musi lon pana tu tu, anu seme? (pana tu tu ni li jo e pana wan tan musi, e pana tu wan tan sina.)

sina wile alasa e nimi musi lon nanpa pini, la sina wile open kepeken nimi WALO.

ni li nasa ala nasa? mi la ni li nimi nasa tawa open! taso mi alasa pona. alasa sona mi la nimi ante ale li wile e pana tu tu.

jan @0xdstn li pali e musi nimi. ona li musi Wordle lon toki pona. musi la sina o alasa e nimi musi. sina pana e nimi tawa musi. musi li pana e sona pi nimi sina, tawa sina.

mi alasa sona e musi ni. mi kama sona e ni: nanpa pini pi musi nimi li tu wan! sina sona la sina ken alasa e nimi musi ale lon pana tu wan.

mi kama sona e ni kin: sina wile alasa lon pana pi nanpa pini, la sina ken open kepeken nimi wan taso! sina sona ala sona e nimi ni? mi wile len e ona, la mi pana e ona lon mu ante.